Berilen Baha    (0 baha)

Näçe gezek okaldy? 217

Halanlaryň Sany 26

Owalda aklymy haýran eýlediň"

Halwat ýerde sözleşeli söwdügim,

Agladyp göz ýaşy girýan eýlediň,

Uzak döwran yzlaşaly söwdügim.

Bagda bilbil saýrar, çekdigi zardyr,

Aşyga köýmeklik owalda bardyr,

Gerdeniň dutardyr, zülpleriň tardyr,

Saba(irden) turup, sazlaşaly söwdügim.

Ýetim guzy deýin gezmegin mäläp,

Gözeller içinde men seni halap,

Ömrümi ötürdim, näzli ýar, aglap,

Gelse bahar ýazlaşalı söwdügim.

Şeýdaýy diýr, gitmez sinämiň dagy,

Göwsüňde gurulmış Iremiň bagy,

Ol ala gözleriň ýagydyr ýagy,

Ogryn-ogryn gözleşeli söwdügim.

Ýeri : klassiklerimiz, Şeýdaýy