Berilen Baha    (0 baha)

Näçe gezek okaldy? 270

Halanlaryň Sany 31

Ýandakdan pes, dagdan belent

Boldy türkmeniñ ahwaly.

Aýak astynda oba-kent,

Öldi türkmeniñ düýp ýoly.

Eý ýumrulmyş, köne dünýä!

Kimler saña boldy eýe?

Geçen günün diýe-diýe,

Aglamak türkmeniñ haly.

Bir sallançak – dokuz oglan,

Mündi, düşdi, geçdi döwran,

Köne dünýä soñy weýran,

Çyna meñzär mekri-aly.

Kyrk şäherden hyraç aldy,

Oguz ili äleme doldy,

Çoh döwran geldi, sowuldy,

Kany onuñ däbi, ýoly?

Körhan ogly Ugurjyk Alp,

Gyrdy türk ilin at salyp,

Görogly oña at galyp,

Paç alyp geçdi sag-soly.

Doglup ikinji Ugurjyk,

Ýa-da satylandyr bir çak,

Döwran dolanýandyr her çak,

Düzlener türkmeniñ haly.

Gel, Şeýdaýy, köñlüñ alda,

Ýalan söz çykyp her dilde,

Her bela bolsa görelde,

Ýeri : klassiklerimiz, Şeýdaýy