KLASSIKLERIMIZ
Myhman Depderçämiz
Eser gözle
| “Dükanlar kany” |
Aýyp imes ýürek-bagrym otlasam, Neýläýin, döwranly dükanlar kany? Örtener men, öten güni ýatlasam, Abadanly menzil-mekanlar kany? Aýryp-aýryp aýdabilmen atlary, Dowamat synamda ýanar otlary Aldyň, gabha pelek, perizatlary, Dürli mukam, dutar kakanlar kany? Bu eýýamda munapyklar mes boldy, Şol sebäpden beýiklermiz pes boldy, Aramyzda azan-kamat nis boldy, Roza tutup, namaz okanlar kany? Mätäji diýr, alabilmen ukymy, Melekil-möwt ýöredinçä sakymy, Uly toýuň bökewili, häkimi, Bölek-bölek myhman çekenler kany?
|
(0 baha)
