Berilen Baha    (0 baha)

Näçe gezek okaldy? 544

Halanlaryň Sany 59

Boýadylar köýnegini gan bile,

Ady belli, arap tilli söwdügim.

Aýralykda ýandy etiň jan bile,

Ady belli, arap tilli söwdügim.

Aglaý-aglaý jepalaryň derdinden,

Gorka-gorka sähralaryň gurdundan,

Aýryldyň ataňdan, Kengan ýurdundan,

Ady belli, arap tilli söwdügim.

Çyplak oldy, gül bedeniň soýuldy,

Dagy-hijran synaň üzre goýuldy.

Aglamakdan Ýakup gözi oýuldy,

Ady belli, arap tilli söwdügim.

Geldi ol  dem gardaşlaryň ýüwrüşip,

Gorkusyndan gurt-guşlar egrilşip,

Töweregin  alyp durup telmurşyp,

Ady belli, arap tilli söwdügim.

Magtymguly,aýdar, älem  ýykyldy,

Pelek seni Müsre aldy, çekildi.

Puşman olup, aýagyňa  ýykyldy,

Ady beldi, arap  tilli söwdügim.

Ýeri : klassiklerimiz, Magtymguly