Berilen Baha    (0 baha)

Näçe gezek okaldy? 473

Halanlaryň Sany 42

Yşk ýolun höwes eýläp,

Gelen barmy, ýaranlar?

Derdimni  beýan etsem,

Alan barmy, ýaranlar?

Ýalan dünýäni ýaýnap,

Hem gezgil gülüp, oýnap,

Yşk gazanynda  gaýnap,

Ölen barmy, ýaranlar?

Yşk duş bolsa bir merde,

Toz bolar, döner gerde,

Meniň deý özün derde,

Salan barmy, ýaranlar?

Bardy halym ölümge,

Tap etmeýen zulumga,

Ýyglamaýan  halymga,

Gülen barmy, ýaranlar?

Magtymguly, jan çekse,

Rehm etmezler, ýaş dökse,

Yşkyň ýolunda ýoksa,

Talaň  barmy,  ýaranlar?

Ýeri : klassiklerimiz, Magtymguly