Berilen Baha    (0 baha)

Näçe gezek okaldy? 702

Halanlaryň Sany 45

Kimyany topraga seçseñ,
Toprakdan zer behem eder.
Her närsäni, ýere sepseñ,
Sepdigiñ yer behem eder.

Ýagşy-ýaman bolmaz mälim,
Her kim öz bilenne alym,
Munda nobat sürse zalym,
Ýyl-ýyldan şer behem eder.

Ýagşy ýigit ýol ýitirmez
Jäht kysmatdan köp getirmez,
Müñ gaýgy bir iş bitirmez,
Töwekgel – ner behem eder.

Berimiñ bolsa her kanda,
Gören saña bolar bende,
Bethüýnüñ – duşman ýanynda,
Ýagşylyk – ýar behem eder.

Magtymguly sözlär sozde,
Gaýrat – ötde, haýa – gözde,
Ýyl-ýyldan bu ýurdumyzda
Zulm artyp, zor behem eder.

Behem etmek- gazanmak, hasyl almak, artdyrmak, ýygnamak manyda

Ýeri : klassiklerimiz, Magtymguly