Berilen Baha    (0 baha)

Näçe gezek okaldy? 271

Halanlaryň Sany 26

Söweş gün meýdana gelmez,

Namart akyl-huşdan geçer,

Ürkek ýaby, taý görende,

Bedew segräp, leşden geçer.

Ýaman bilen kylsaň sapar,

Uruş-gowgadyr, şer tapar,

Namart çendan basgy tapar,

Ýoldaşyndan, goşdan geçer.

Söz ýetse her bir nadana,

Degse degim namekana,

Salmaz özün hiç bir sana,

Barça deňden-duşdan geçer.

Namart gaýgy cany-tende,

Gorkar duşundan ötende,

"Bol, atlan-ha-atlan!" günde,

Abraýyndan, huşdan geçer.,

Namardyň ikbali ýörse,

Müflisi artar hal görse,

Hak bir merde döwlet berse,

Sözi dagdan, daşdan geçer.

Ol çykmaz gury bat üçin,

Mert jan berer ar, at üçin,

Nep bilip sähel zat üçin,

Näkes gözden-gaşdan geçer.

Aşyky diýr arratlar,

Ýaramaz derde namartlar.

Bir ar-namys üçin mertler

Jandan, maldan, başdan geçer.

Ýeri : klassiklerimiz, Oraz Aşyky