Berilen Baha    (0 baha)

Näçe gezek okaldy? 211

Halanlaryň Sany 26

Hak özi bermese, gaýraty zora,

Baakyla(akylla) döwlet, döwran tapylmaz,

Lukman hekim gelse, eýlese çäre,

Ajalyň derdine derman tapylmaz.

Kimsäniň azapda depesi gaýnar,

Kimseler elinçe eşretde ýaýnar,

İýip näzi-nygmat, bal-şeker çeýnär,

Kimlere bir parça köşk-nan tapylmaz.

Dünýä gelen baryň ahyry gumdur,

Geleni ençedir, syn-hezir kemdir,

Oglanlykda şat gün, garranda gamdyr,

Gyşa ýetseň, güli-handan tapylmaz.

Aşyky, sen berme ömrüňi bada(şemala),

Tiliň bolsun daýym(hemişe) zikri-senada,

Deň bol ýagşy-ýaman, ýakyna-ýada,

Galsa köňül, çyksa bu jan tapylmaz.

Ýeri : klassiklerimiz, Oraz Aşyky