Berilen Baha    (0 baha)

Näçe gezek okaldy? 193

Halanlaryň Sany 24

Danyş olan pendi-nesihat tutar,

Gaflat içre galyp yörme, ependim.

Görümsizler soltan başyn har eder,

İslemegen ýere barma, ependim.

Ýokdan bara geldiň dünýe ýüzüne,

Gudratyn gör, uýgun kelam sözüne,

Ýagşy-ýaman her kim eder özüne,

Ýakan bişer, ,gazyp girme, ependim.

Akylsyz gardaşdan namys-ar ýeter,

Nadan bolan eziz başyn har eder,

Bir ýere köp barsaň hormatyň gider,

Gadryň bolmaz ýerde durma, ependim.

Mertden aç hem bolsa, aslanyn çıkar,

Namart myhman görse, görünmez, bukar,

Barsaň möhüm bitmez, hatyraň ýykar,

Dileg salyp, ýüzün görme, ependim.

Bijaý söz har eder hatyraň has-da,

Söz tapmasaň otur dahany gys-da,

Agyr märekede, uly mejlisde,

Beýhuda bimany urma(diýme), ependim.

Halal, haram dannamayan iyer sen,

Elip-ýortup ýygsaň dünýäni diýr-sen,

Aşyky, magşar gün jowabyň berir sen,

Halalyň harama garma, ependim.

Ýeri : klassiklerimiz, Oraz Aşyky