Berilen Baha    (0 baha)

Näçe gezek okaldy? 210

Halanlaryň Sany 26

Akmak dünýe meniň diýip,

Gezer köňül joşy bile.

Akyl dünýäni pikr edip,

Ýüzün ýuwar ýaşy bile.

Merdiň abraýdyr myrady,

Çyksa her babatdan ady,

Begenmezler mylakatly

Bolmasa deň-duşy bile.

Bir dogan mertden at galar,

Dogmadyktan lagnat geler,

Bir ýaman hatyn jet kylar,

Aga, ini, goňşy bile.

Ýagşy goňşy aýbyň ýapar,

Düşmandan yetirmez zeper,

İle ýortup, aýyp tapar,

Bolsaň ýaman goňşy bile.

Ýolun çyn urduran insan,

Her ne syryn eder beýan,

Keramat arar bigüman,

Agşam gören düýşi bile.

Aşyky, gel, ýegdir gaýdan,

Ejap eylegil Hudaydan,

Zandy egri gaýtmaz raýdan,

Elli-altmyş yaşy bile.

Ýeri : klassiklerimiz, Oraz Aşyky