Berilen Baha    (0 baha)

Näçe gezek okaldy? 293

Halanlaryň Sany 28

Boljak är-ile başdan galadyr,

Adam bardyr, eden kärine degmez.

Adam bar, ýaramaz, jana beladyr,

Adam bardyr, adam ýar(s)yna degmez.

Adam bar, gazanar hyzmatdan azyk,

Adam bardyr, hyzmatkärdir halaýyk,

Adam bardyr, münse bedewe laýyk,

Adam bardyr, münen haryna degmez.

Adam bardyr, bege, hana gerekli,

Orny her(tüý) düşekli, baldan hörekli,

Adam bardyr, aňmaz, haýwan derekli,

Ança ýaşap, süren ömrüne degmez.

Gözel bardyr, geýse altyn ýaraşar,

Görse gözüň doýmaz, ýüreğiň joşar,

Gözel bardyr, görseň zehiniň çaşar,

Perizadyň zülpi-taryna degmez.

Aşyky diýr, köpdür adamyň sini,

Adam bardyr, jana zäherdir üýni(sesi),

Söweş güni, gaýrat güni, ar güni,

Ýüz namartlar merdiň birine degmez.

Ýeri : klassiklerimiz, Oraz Aşyky