Ähli çagalar turup‚

Ýuwunýar her gün säher.

Nämüçin el-ýüzün

Ýuwmakdan gorkýar Säftär.

Kirli bolýar hemişe

Ýalta Säftäriň eli.

Ony görenler diýer:

Gülmerlidir¸ gülmeli!

Hatyrasyz saklaýar

Ähli kitap-depderi.

Siz mydam eltik-teltik

Görersiňiz Säftäri.

Egri-bugry hat ýazar

Kitabyň her ýerinde.

Abat sahypa bolmaz

Onuň depderlerinde.

Säftär günde bir ýana

Zyňar eşigniň baryn.

Krowadyň astyndan

Agtarar ol jalbaryn.

Käteýitir papagyn‚

Gider öýden papaksyz.

Onuň aýakgaby-da

Mydam bagjyksyz‚ bagsyz.

Ýa mekdepde¸ ýa öýde

Görseň güläýmelidir.

Soraman Säftärdigin

Derrew biläýmelidir.

Mähti SEÝITZADA

Azerbaýjan şahyry

Terjime eden: Atamyrat Atabaýow 

Taýýarlan: Türkmen kultur ojagy