Berilen Baha    (0 baha)

Näçe gezek okaldy? 228

Halanlaryň Sany 25

Owwal başda goç yigidiň,

Akyly-kemaly gerek;

Labzy hoş ile yokuly,

Sözleri mazaly gerek.

Nebsine dek durmaga,

Açlara nan bermäge,

Duşmany berk urmaga,

Tüys agzybir ili gerek.

Myhmana hyzmat etmäge,

Dost-yar köňlüne yetmäge,

Yagşy adyn paş etmäge,

Elinde köp maly gerek.

Meydandan gelmese nany,

Oldur jomartlyk nyşany,

Märekede bilibil yany,

Sayramaga tili gerek.

Nadanlar görer enayy,

Kesgir gylyç, oky-yayy,

At-yarag, esbaby-şayy,

Duşmana don doly gerek.

Namart gezer kän içinde,

Gury atdyr san içinde,

Goç yigit meydan içinde,

Sermest goçak, däli gerek.

Zelili diyr, dünyä yalan,

Saylap, seçip, söyüp alan,

Apdan,tapdan, haldan bilen,

Bir sahypjemaly gerek.

Ýeri : klassiklerimiz, Zelili