Berilen Baha    (0 baha)

Näçe gezek okaldy? 233

Halanlaryň Sany 28

Dostlar, artyk söz çekmek,

Är yanynda bellidir;

Supra yayyp, nan dökmek,

Bar yanynda bellidir.

Ganym görende mertler,

Goş başynda namartlar,

Çölde gezen aç gurtlar,

Har yanynda bellidir.

Başa düşse yaman iş,

Şonda gerekdir gardaş,

Şir ganymy syyagüwş,

Şir yanynda bellidir.

Men aydayyn bire-bir,

Agaç içinde gurt iyr,

Osalny aňtap, kişmir,

Mar yanynda bellidir.

Aňlana ber nesihat,

Aňlamaz tutmaz öwüt,

Bir tagsyply goç yigit,

Ar yanynda bellidir.

Bahar açylar güller,

Sayrar gumry-bilbiller,

Ziba, näzli gözeller,

Tör yanynda bellidir.

Zelili diyer, ya hak,

Bu garyp halyma bak,

Artan-egsen, galan yük,

Ner yanynda bellidir.

Ýeri : klassiklerimiz, Zelili