Berilen Baha    (0 baha)

Näçe gezek okaldy? 206

Halanlaryň Sany 22

Göçdüñ baky yurda, çopan,

Senden aralar daş galdy;

Pygan tartyp yagşy-yaman,

İl, urug, garyndaş galdy.

Mal-mülki başdan-ayaga,

Uly-kiçi, bala-çaga,

Dayy-yegen, ini-aga,

Kowum-dogan, gardaş galdy.

Üzüldi ömri-peywendiñ,

Bir görünip, gözden döndüñ,

Nowbahar yeke perzendiñ,

Aglap yzyñda, yaş galdy.

Öwrüldi hallar haraba,

Döndi bagyrlar kebaba,

Uya, siñil, ene-baba,

Syr alyşan syrdaş galdy.

Seniñ hijriñ tygy batyp,

Egden ötdi, süññe yetip,

Yasa girip, matam tutup,

Atadaş, babadaş galdy.

Magsiyet yükün çekeniñ,

Köpdür munda iç yakanyñ,

Hem kümüş, demir dükanyñ,

Eyesiz, içi boş galdy.

Yöremedi, yatdy bagtyñ,

Yetişdi ajal nobatyñ,

Yagşy günde yaryş nobatyñ,

Yaman günde yoldaş galdy.

Dostlar bilen yol gidişen,

Garyşyp, köñül güydüşen,

Bir-bire gadyr edişen,

Muhapbetli deñ-duş galdy.

Zelili baglady dessan,

Gözlerinden akdyryp gan,

Lebi şeker, pisse dehan,

Gara göz, galam gaş galdy.

Ýeri : klassiklerimiz, Zelili