Berilen Baha    (0 baha)

Näçe gezek okaldy? 203

Halanlaryň Sany 19

Bu gapyl adam oglunyň,

Höwesi dünyä bilendir;

Gaygy etme ahyreti,

Zowky ile ol bilendir.

Ajayyp, gudratly subhan,

Kimse geda, kimse soltan,

Kimse maldar, kimse dayhan,

Kimseler söwda bilendir.

Kimseler ajyzdyr, bitap,

Kimseler gezer şer sorap,

Kimse istär hayyr-sogap,

Kimseler dünyä bilen.

Niçeler ayşy-aşratda,

Niçeler ahy-hasratda,

Niçäniň tili gybatda,

Niçeler zyna bilendir.

Bu jahana etseň nazar,

Her kişi bir işde gezer,

Egri azar, dogry ozar,

Barça iş alla bilendir.

Az ryzka kylan kanagat,

Kayyldyr bolsa kem tagat,

Açylar baby-sagadat,

Bendelik ryza bilendir.

Zelili diyr, pal bes gerek,

Är dinine dürs gerek,

Her ki zada yhlas gerek,

Derwüşlik sena bilendir.

Ýeri : klassiklerimiz, Zelili