Berilen Baha    (0 baha)

Näçe gezek okaldy? 165

Halanlaryň Sany 16

Adam ogly, gapyl bolma,

Azyz ömrüň öter bir gün;

Bu dünyäni baky bilme,

Boz topraga gatar bir gün,

Boz topraga gatar bir gün.

Owala aldag kyladyr,

Ahyry janyň aladyr,

Doymaz-dolmaz bir beladyr,

Gara yerdir, yuwdar bir gün,

Boz topraga gatar bir gün.

Azygyň şayla bu başda,

Yol uzakdyr, tut serişde,

Ezrayyl atly perişde,

Çalyp yakaň tutar bir gün,

Boz topraga gatar bir gün,

Gezme-gezme gedem bakyp,

İmanyňy oda yakyp,

Katyl ajal yayyn çekip,

Kaza okun atar bir gün,

Boz topraga gatar bir gün.

Zelili diyr, dünyä düyşdir,

Aglan yeriň gözi yaşdyr,

Ten kapasdyr, jan bir guşdur,

Boşap, uşup gider bir gün,

Boz topraga gatar bir gün.

Ýeri : klassiklerimiz, Zelili