Berilen Baha    (0 baha)

Näçe gezek okaldy? 195

Halanlaryň Sany 18

Ey yaranlar, dost tutmaň bu dünyäni,

Size bir wepasyz jaydyr bu dünyä;

Belli ykraray yok, yalançy pâny,

Şermende, syyâhy-roydur bu dünyä.

Köpdür yalançynyn aldagy, âly,

Yüz tilli bazygär, ayyary-loly,

Gözleri sürmeli, zülpleri yagly,

Bir orramsy jora hildir bu dünyä.

Gapyldyr, hiç bilmez bu adam ogly,

Gelen geçejekdir, synasy dagly,

Köp ötgeren köne iki gapyly,

Bir haraba, bozuk öydür bu dünyä.

Ölmejekdir adamzâdyň hyyâly,

Dürs gitmez, bir gün agdaryr Saly,

Horramu-hoş hal, şatdyr owwaly,

Ahyry âgydyr, waydyr bu dünyä.

Sen yolagçy, bir düşelge bu jahan,

Dünyä magrur olma, akylsyz nâdan,

Zelili diyr, tapsaň sürewer döwrân,

Bäş gün ayt-bayram, toydur bu dünyä.

Ýeri : klassiklerimiz, Zelili